Біздің бөбекжайымыздағы шағын жылыжайда аскөк, қияр, қызанақ, қауын, қарбыз және құлпынай өсіріледі. Балалар өсімдіктерді күтіп-баптауға қатысып, еңбекке, табиғатты аялауға үйренеді. Өз қолдарымен өсірген көкөністер мен жемістердің пайдасын біледі.

Аскөк – дәрумендерге бай көк шөп. Ол асқа ерекше дәм береді, ағзаға пайдалы микроэлементтермен қамтамасыз етеді.

Қияр – құрамында суы көп, сергітетін көкөніс. Ол ағзаның су тепе-теңдігін сақтауға көмектеседі.

Қызанақ – дәрумендерге бай, денсаулыққа пайдалы көкөніс. Ол иммунитетті нығайтуға көмектеседі.

Қауын мен қарбыз – жаз мезгілінің сүйікті жемістері. Олар шырынды, тәтті, ағзаға сергектік береді және дәрумендерге бай.

Құлпынай – дәмді әрі пайдалы жидек. Оның құрамында дәрумендер көп, балалардың денсаулығына жақсы әсер етеді.

Бөбекжайдағы бақша балаларға табиғатты бақылауға, еңбекті бағалауға және пайдалы тағамдардың қайдан келетінін түсінуге мүмкіндік береді.